პროექტი - "სხვადასხვა საკვები პროდუქტების ენერგეტიკული ღირებულებების განსაზღვრა"

პროექტის სახელწოდება : სხვადასხვა საკვები პროდუქტების ენერგეტიკული ღირებულებების განსაზღვრა.

პროექტის მთავარი იდეა (თემა) : მოსწავლეები გამოიკვლევენ ამათუიმ საკვები პროდუქტის ნივთიერებათა შემადგენლობას და განსაზღვრავენ მათ კვებით ღირებულებას, რის საფუძველზეც შეიმუშავებენ საჭირო კვების რაციონს და შეეცდებიან იკვებონ სწორად, მოუწოდებენ მათ გარშემო საზოგადოებასაც, რომ მიიღონ ჯანმრთელობისათვის და არა დანაყრებისათვის აუცილებელი საკვები პროდუქტები.

პროექტის აქტუალურობა : პროექტი აქტუალურია რადგან, დღევანდელ პირობებში ძალიან ბევრია გენმოდიფიცირებული  საკვები პროდუქტი, რის გამოც იმატა უამრავმა დაავადებამ და პათოლოგიამ, ჯანმრთელობისთვის აუცილებელი და სასარგებლო საკვები პროდუქტი კი სამწუხაროდ ბევრი ადამიანისთვის მიუღებელია, ისინი უპირატესობას ანიჭებენ გაყინულ ნახევარფაბრიკატებს და თვალში ლამაზად მოსულ ხილ-ბოსტნეულს.

პროექტის მიზნები : პროექტის დახმარებით მოსწავლეები მიიღებენ რაც შეიძლება ღრმა ინფორმაციას აღნიშნულ საკითხთან დაკავშირებით, ისინი დაინტერესდებიან და საზოგადოებასაც დაეხმარებიან ინფორმაციის მიღებაში, ასევე განუვითარდებათ კვლევა-ძიების, დამოუკიდებლად მუშაობის, კომპიუტერთან მუშაობის  და კომუნიკაციის უნარ-ჩვევები.

მონაწილეთა ასაკი : 15-16 წელი.

ვადები/ხანგრძლივობა : 2014 წლის აპრილ-მაისი, დაახლოებით 1 თვე.

მოსალოდნელი შედეგები/პროდუქტები, რაც შეიძლება შეიქმნას : მოსწავლეებს აქვთ ყველა საჭირო ცოდნა და ინფორმაცია, ისინი დაინტერესებულნი არიან ეს ცოდნა საზოგადოებასაც გაუზიარონ სხვადასხვა საშუალებით, რისთვისაც გაკეთებული აქვთ  ბუკლეტები word-ის პროგრამაში, პრეზენტაცია Power  point-ში, სტატისტიკური მონაცემები Excel-ში, ინტერენეტიდან აქვთ მოძიებეული მასალები,აწყობენ ვიდეო ფაილს Animoto-ს გამოყენებით, ამ ყველაფერს კი ათავსებენ პროექტისთვის განკუთვნილ ბლოგზე.

პროექტისათვის საჭირო ძირითადი რესურსები : კომპიუტერი, ინტერნეტი, ფერადი პრინტერი, ციფრული ფოტოაპარატი, ფორმატი, თაბახის ფურცლები, მარკერები, სახელმძღვანელო.

პოექტის მსვლელობა :

აქტივობა 1. მოსწავლეებს ვაცნობ პროექტის თემას და მისი განხორციელების გზებს, ვეკითხები რჩევებს რა უფრო მისაღებია მათთვის და მათი პრიორიტეტების გათვალისწინებით ვახდენ პუნქციების დელეგირებას, ასევე ვითვალისწინებ ზოგიერთის სურვილს პროექტში მონაწილეობის შესახებ.

აქტივობა 2. ფუნქციების მიხედვით დაყოფილი ჯგუფები, იწყებენ ინფორმაციის მოძიებას სახვადასხვა საშუალებებით: I ჯგუფი - საზოგადოების გამოკითხვით თუ ვინ რა საკვებს ანიჭებს უპირატესად, ადგენს სტატისტიკურ ანალიზს  Excel-ში. II ჯგუფი - ექიმი ენდოკრინოლოგისგან იღებს ინტერვიუს და აკეთებს პატარა ვიდეო ფაილს animoto-ში,  III ჯგუფი - იძიებს ინტერნეტიდან მასალებს და ინფორმაციას, აკეთებს პრეზენტაციას Power  point-ში, IV ჯგუფი - word-ის  პროგრამაში აკეთებს ბუკლეტებს და არიგებს საზოგადოებაში.

აქტივობა3.  მოსწავლეთა ნამუშევრების შეჯამება და პრეზენტაცია სკოლის ადმინისტრაციასთან და სხვადსხვა სკოლის მოსწავლეთთათვის.

საგნებთან და საგნობრივ ჯგუფებთან/ეროვნულ სასწავლო გეგმასთან კავშირი: მოსწავლეები იყენებენ ისტ-ს, მათემატიკას სტატისტიკური ანალიზისთვის, ქართულს ბუკლეტების ტექსტის სწორად გასამართად.

ესგ-ით განსაზღვრული ინდიკატორია:

პროექტის ხელმძღვანელი: მე-7 საჯარო სკოლის ბიოლოგია-ბუნებისმეტყველების პედაგოგი ანა ტაბატაძე

ხელმძღვანელის ელ.ფოსტა: anatabatadze86@gmail.com

პროექტის ვებ-გვერდი/ბლოგი: 

მე-10 კლასის სამოდელო გაკვეთილის პრეზენტაცია,თემა: გულსისხლძარღვოვანი სისტემა

თემა: გულსისხლძარღვოვანი სისტემა, სამოდელო გაკვეთილის შეფასების რუბრიკა, მე-10 კლასი

ქულა	შეფასების კრიტერიუმები
10 - 9	მოსწავლე ახასიათებს სისხლის მიმოქცევის სისტემას და მის კომპონენტებს, იცის თუ როგორ წარმოიქმნება სისტოლური და დიასტოლური  წნევა, აღწერს გულის მუშაობის თავისებურებებს და გულსისხლძარღვოვანი სისტემის ზოგიერთ პათოლოგიას, აანალიზებს ჯანსაღი ცხოვრების წესის და ჯანმრთელობაზე მოქმედი რისკფაქტორების ზეგავლენის მნიშვნელობას.
8 -7	მოსწავლე ახასიათებს სისხლის მიმოქცცევის სისტემას, მაგრამ ვერ ხსნის როგორ წარმოიქმნება არტერიული და ვენური წნევა, აღწერს გულის მუშაობის თავისებურებებსაც, ასევე შეუძლია ჩამოთვალოს ზოგიერთი გულ-სისხლძარღვოვანი სისტემის პათოლოგია და გაანალიზოს ჯანსაღი ცხოვრების წესის  და ჯანმრთელობაზე მოქმედი რისკფაქტორების ზეგავლენის მნიშვნელობა.
6 - 5	მოსწავლეს შეუძლია სისხლის მომოქცევის სისტემის და გულის მუშაობის თავისებურებების დახასიათება, თვლის ზოგიერთ გულსისხლძარღვოვან პათოლოგიებს, მაგრამ ვერ ხსნის თუ როგორ წარმოიქმნება სისტოლური და დიასტოლური წნევა, და ასევე ვერ აანალიზებს  აანალიზებს ჯანსაღი ცხოვრების წესის და ჯანმრთელობაზე მოქმედი რისკფაქტორების ზეგავლენის მნიშვნელობას.
4 - 3	მოსწავლეს მხოლოდ შეუძლია  ჩამოთვალოს გულსისხლძარღვოვანი სისტემის კომპონენტები და მათთან დაკავშირებული ზოგიერთი პათოლოგიები.
2 - 1	მოსწავლე ვერ ახასიათებს სისხლის მიმოქცევის სისტემას და ვერ თვლის მის კომპონენტებს, ვერ ხსნის თუ როგორ წარმოიქმნება სისტოლური და დიასტოლური წნევა, არ შეუძლია გულის მუშაობის თავისებურებების აღწერა.

მე-10 კლასის გაკვეთილის გეგმა, თემა: გულსისხლძარღვთა სისტემა.

გაკვეთილის თემა	გულ-სისხლძარღვთა სისიტემა
მასწავლებლის სახელი და გვარი	ანა ტაბატაძე
სწავლების საფეხური, კლასი	საშუალო, მე-10 კლასი
მოსწავლეთა რაოდენობა	20 მოსწავლე
გაკვეთილის მიზნები და შედეგები	·         მოსწავლე შეძლებს დაახასიათოს სისხლის მიმოქცევის სისტემა და მისი შემადგენელი კომპონენტები, თუ როგორ წარმოიქმნება არტერიული და ვენური წნევა, გაეცნობა გულის აგებულების და მუშაობის თავისებურებებს და შეძლებს აღწეროს ზოგიერთი გულ-სისხლძარღვოვანი პათოლოგია, ასევე გაანალიზებს ჯანსაღი ცხოვრების წესის და ჯანმრთელობაზე მოქმედი რისკფაქტორების ზეგავლენის მნიშვნელობას. ·         მოსწავლე ახასიათებს სისხლის მიმოქცევის სისტემას და მის შემადგენელ კომპონენტებს, იცის როგორ წარმოიქმნება არტერიული და ვენური წნევა, აღწერს გულის აგებულების და მუშაობის თავისებურებებს, ახასიათებს ზოგიერთ გულ-სისხლძარღვოვან პათოლოგიას, აანალიზებს ჯანსაღი ცხოვრების წესის და ჯანმრთელობაზე მოქმედი რისკფაქტორების ზეგავლენის მნიშვნელობას.
ე.ს.გ-ით განსაზღვრული მიზნები და ამოცანები	ბიოლ.X.9.მოსწავლეს შეუძლია დაასაბუთოს სატრანსპორტო სისტემის მნიშვნელობა  ორგანიზმისათვის. ·         მოსწავლე ახასიათებს სისხლის მიმოქცევის სისტემის 4 ძირითად კომპონენტს (არე-სისხლი, გამტარი მილები-სისხლძარღვები, ტუმბო-გული, და მიმოცვლის უშუალო სეგმენტი-კაპილარები), თითოეულის მნიშვნელობას ნივთიერებათა ტრანსპორტის პროცესში. ·         ილუსტრაციის გამოყენებით აღწერს სისხლის წითელი უჯრედების მოძრაობას სისხლის მიმოქცევის სისტემაში (მაგ. ერითროციტების მოძრაობას აორტიდან მარცხენა პარკუჭამდე). ·         განასხვავებს სისტოლურ და დიასტოლურ წნევას, ზომავს სისხლის წნევას, მსჯელობს გულის მუშაობასა და სისხლის წნევას შორის არსებულ ურთიერთდამოკიდებულებაზე. ·         აღწერს ავტონომიური ნერვული სისტემის მიერ გულისა და სისხლის წნევის რეგულირების პროცესს . ·         აანალიზებს ჯანსაღი ცხოვრების წესის და ჯანმრთელობაზე მოქმედი რისკფაქტორების ზეგავლენის შემცირების მნიშვნელობას. ·         ახასიათებს ზოგიერთ სისხლძარღვოვან პათოლოგიას (მაგ. ათეროსკლეროზი, გულის მანკი, გულის კუნთის ინფარქტი).
წინასწარი ცოდნა	უჯრედის სტრუქტურული აგებულება და ქიმიური შედგენილობა, ნივთიერებათა ტრანსპორტი და მისი სახეები ცხოველებში, იმუნიტეტი, კომპიუტერზე მუშაობის ელემენტარულ უნარ-ჩვევები, პროგრამა Word- ში გრაფიკული დიაგრამების აგება.
შეფასების საგანი და პროცედურები	1.მოსწავლე ახასიათებს სისხლის მიმოქცევის სისტემის აგებულების ძირითად თავისებურებებს, 2.ახდენს კლასიფიკაციას მისი შემადგენელი კომპონენტების და აყალიბებს თითოეულის ფუნქციას, 3.აკავშირებს ერთმანეთთან სისხლის მიმოქცევის დიდ და მცირე წრეს, 4.ასაბუთებს სისხლის მიმოქცევის სისტემის მნიშვნელობას ადამიანის არსებობისთვის. მოსწავლეები ფასდებიან წინასწარ შემუშავებული რუბრიკის მიხედვით.
გაკვეთილის მსვლელობა	Aფაზა(გამოწვევა) აქტივობა1. დრო 10წთ მასწავლებელი გონებრივი იერიშით იწვევს ბავშვების აზროვნებას. მოსწავლეებს ეკითხება: რატომ არის, რომ ჩვენი ორგანიზმი არ არის გარემოს ტემპერატურაზე დამოკიდებული  და ჩვენი ტემპერატურა ყინვის და სიცხის მიუხედავად ყოველთვის არის 36,7 გრადუსი? მოსწავლეები დამოუკიდებლად და თავისუფლად გამოთქვამენ თავიანთ მოსაზრებებს. აქტივობა 2. დრო 5წთ   სტრატეგია მიზეზშედეგობრივი კავშირის გამოყენებით მოსწავლები ინდივიდუალურად ავსებენ გრაფიკს თავიანთ კომპიუტერზე. Bფაზა(შინაარსი) აქტივობა 3. დრო 15წთ  მასწავლებელი ლექციური ტიპით საუბრობს თემის ირგვლივ და აჩვენებს გულის მუშაობის ამსახველ ვიდეოს. Cფაზა(რეფლექსია) აქტივობა 4. დრო 5წთ - სტრატეგია ცნებათა რუკის გამოყენებით ჯამბდება გაკვეთილი, აქაც მოსწავლეები ინდივიდუალურად მუშაობენ. აქტივობა 5. დრო 5წთ. კითხვა-პასუხის რეჟიმში მასწვლებელი გებულობს:  რომელი საკითხი იყო მათთვის ყველაზე მეტად საინტერესო, რის გაგება გაუჭირდათ, რა ინფორმაციის გაგება დააინტერესებდათ დამატებით აღნიშნულ თემასთან დაკავშირებით. (ეს ყოველივე მასწავლებელს დაეხმარება იმაში, რომ უკეთ დაგეგმოს მომავალი გაკვეთილი) აქტივობა 6. დრო 5წთ. მასწავლებელი ობიექტურად და გამჭვირვალედ აწარმოებს თითოეული მოსწავლის შეფასებას, წინასწარ განსაზღვრული რუბრიკის მიხედვით.
საკლასო მენეჯმენტი	ბიოლოგიის მე-10 კლასის სახელმძღვანელო,ავტორები: მ.სეხნიაშვილი, მ.მაყაშვილი, მ.ჯალიაშვილი. კომპიუტერი თითოეული მოსწავლისთვის, პროექტორი, თვალსაჩინოებები,პლაკატები.